वार्तादूत – डिजिटल न्युज नेटवर्क
लोहारा तालुक्यातील हिप्परगा रवा येथील जगदंब प्रतिष्ठान गणेश मंडळाच्या वतीने गणेशोत्सवानिमित्त बुधवारी (दि.७) स्वामी रामानंद तीर्थ विद्यालयाच्या प्रांगणात मंडळाचे अध्यक्ष धनराज नरगाळे यांच्या हस्ते वृक्षारोपण करण्यात आले. गणेश मंडळाचे अध्यक्ष व उपस्थित गणेश मंडळाच्या सदस्यांनी या निमित्ताने झाडे लावा, झाडे जगवा हा संदेश देऊन विद्यार्थ्यांमध्ये पर्यावरणाविषयी जागृती करण्यात आली. तसेच वृक्षारोपणाचे महत्त्व सांगितले. याप्रसंगी शाळेचे मुख्याध्यापक एस. बी. भोईटे, शिक्षक बी.एस. स्वामी, जी. डी. मैंदाड, बी.जे. मनोहर, ए.व्ही. जाधव, एस. के. जाधव यांच्यासह शिक्षकेतर कर्मचारी व विद्यार्थी उपस्थित होते.
