लोहारा येथील महाशिवरात्री यात्रा महोत्सवानिमित्त गुरुवारी (दि. १९) आयोजित राज्यस्तरीय नृत्य स्पर्धेत सहभागी स्पर्धकांनी विविध प्रकारच्या गीतांवर बहारदार नृत्य सादर करून उपस्थितांना मंत्रमुग्ध केले.
लोहारा येथे महाशिवरात्री महोत्सवानिमित्त दरवर्षी विविध स्पर्धांचे आयोजन करण्यात येते. यावर्षी महाशिवरात्री यात्रा महोत्सवाचे हे २६ वे वर्ष आहे. यानिमित्त विविध स्पर्धांचे आयोजन करण्यात आले होते. पाच दिवस विविध कार्यक्रम झाल्यानंतर गुरुवारी (दि.१९) रात्री लोहारा हायस्कूलच्या मैदानावर झालेल्या राज्यस्तरीय नृत्य स्पर्धेने या महोत्सवाची सांगता झाली. या राज्यस्तरीय नृत्य स्पर्धेचे उद्घाटन लोहाऱ्याच्या नगराध्यक्षा वैशाली खराडे, उपनगराध्यक्ष अमीन सुंबेकर, माजी सरपंच नागन्ना वकील, शंकर जट्टे, चंद्रकांत पाटील, अभिमान खराडे, नगरसेवक अविनाश माळी, दिपक रोडगे, दत्ता निर्मळे, अमोल बिराजदार यांच्या प्रमुख उपस्थितीत करण्यात आले. यावेळी मान्यवरांनी स्पर्धेतील सहभागी स्पर्धकांना शुभेच्छा दिल्या. या कार्यक्रमासाठी विजयकुमार ढगे, विष्णू नारायणकर, चेतन बोंडगे, गणेश कुलकर्णी, प्रमोद बंगले, ओम कोरे, डॉ. अमलेश्वर गारठे, डॉ. हंगरगे आदींची प्रमुख उपस्थिती होती.
या स्पर्धेत लावणी, देशभक्ती गीत, रिमिक्स, हिंदी मराठी आदींसह विविध कलाप्रकारावर दिलखेचक नृत्य सादर करुन स्पर्धकांनी उपस्थित रसिकांना मंत्रमुग्ध केले. या स्पर्धेत लातूर, बीड, सातारा, सांगली, तुळजापूर, धाराशिव, छत्रपती संभाजीनगर, अलिबाग, उमरगा, रायगड यासह अनेक ठिकाणचे स्पर्धक सहभागी झाले होते. रात्री साडे नऊच्या सुमारास सुरू झालेली ही स्पर्धा शुक्रवारी पहाटे पाचपर्यंत चालली. अनामिका अहिरे बीड, ईश्वरी पाटील हिंगोली, अनवी मस्के लातूर, जान्हवी कसबे, अपर्णा पवार लातूर आदींनी बहारदार नृत्य सादर केले. तसेच ओशन डान्स ग्रुप, ए. पी. डान्स ग्रुप, साईप्रेरणा, राजमाता डान्स ग्रुप या डान्स ग्रुपने सादर केलेल्या नृत्याला प्रेक्षकांनी उत्स्फूर्तपणे दाद दिली. यावेळी अनेक स्पर्धकांच्या नृत्य सादरीकरणाने उपस्थितांची मने जिंकली. तसेच सामूहिक गटाच्या सादरीकरणावेळी प्रेक्षकांनी टाळ्यांच्या कडकडाटात दाद दिली. या स्पर्धेत परीक्षक
म्हणून निलेश हतांगळे, एस. एन. आदटराव, शुभम खोत पाटील, व्यंकट चिकटे यांनी काम पाहीले. हा कार्यक्रम यशस्वी करण्यासाठी यात्रा कमिटीने परीश्रम घेतले. या दरम्यान रांगोळी स्पर्धेतील विजेत्यांना बक्षिस वितरण करण्यात आले. विठ्ठल वचने पाटील यांनी प्रास्ताविक केले. भीमाशंकर डोकडे, सतीश ढगे, ईश्वर बिराजदार यांनी सूत्रसंचालन केले. तर गोपाळ सुतार यांनी आभार मानले. राज्यस्तरीय नृत्य स्पर्धा पाहण्यासाठी शहरातील महिला, नागरिक, युवक व परीसरातील रसिक प्रेक्षक मोठ्या संख्येने उपस्थित होते. या स्पर्धेसाठी गोपाळ सुतार, सतीश ढगे, श्रीनिवास माळी, ओम पाटील, विरेश स्वामी, ईश्वर बिराजदार, महेश कुंभार, गणेश कुलकर्णी, गणेश हिप्परगेकर, संतोष गिरी,अमित बोराळे, ज्ञानेश्वर काडगावे यांच्यासह अनेकांनी परिश्रम घेतले.
राज्यस्तरीय नृत्य स्पर्धेचा निकाल पुढीलप्रमाणे –
वैयक्तिक (लहान गट) –
सर्व विभागून
प्रथम – मानवी पतंगे, अंबाजोगाई व ईश्वरी पाटील हिंगोली
द्वितीय – शौर्या गोडबोले, लातूर व प्रतीक अहेवाड, संभाजीनगर
तृतीय – अनवी मस्के व जान्हवी कसबे, लातूर
वैयक्तिक (मोठा गट)
प्रथम – श्रावणी सुतार, रायगड
द्वितीय – अपर्णा पवार, लातूर
तृतीय – गणेश देशमुख, लातूर
सामूहिक (लहान गट)
प्रथम – जि. प. प्रा. शाळा मार्डी,
द्वितीय (विभागून) – स्वामी समर्थ डान्स ग्रुप लोहारा व निवासी दिव्यांग शाळा सास्तुर
तृतीय – जि. प. प्रा. शाळा मार्डी,
सामूहिक (मोठा गट)
सर्व विभागून
प्रथम – एपी डान्स ग्रुप लातूर व ओशन डान्स ग्रुप लातूर
द्वितीय – जी बी डान्स लातूर व साई प्रेरणा रायगड
तृतीय – आदिशक्ती डान्स ग्रुप धाराशिव व राजमाता डान्स ग्रुप धाराशिव
युगल जोडी गट
प्रथम – चेतन कला मंच सांगली
द्वितीय – वैष्णवी व प्रतीक संभाजीनगर
तृतीय – अनामिका व अंकिता बीड
