लोहारा तहसिल कार्यालयाचे नुतन तहसिलदार प्रसाद कुलकर्णी यांचा महाराष्ट्र राज्य गाव कामगार पोलीस पाटील संघाच्या वतीने सत्कार करण्यात आला.
लोहारा तहसिल कार्यालयाचे तहसिलदार संतोष रूईकर यांची इतरत्र बदली झाल्याने तहसिलदार प्रसाद कुलकर्णी यांची लोहारा तहसिलदार पदी नेमणूक करण्यात आली आहे. ते लोहारा तहसिल कार्यालयात रूजू झाल्यामुळे महाराष्ट्र राज्य गाव कामगार पोलीस पाटील संघाच्या वतीने लोहारा तालुकाध्यक्ष तानाजी माटे यांच्या हस्ते गुरुवारी (दि. २२) लोहारा तहसिल कार्यालयात त्यांचा सत्कार करण्यात आला. यावेळी महाराष्ट्र राज्य गाव कामगार पोलीस पाटील संघाचे तालुका सचिव संजय नरगाळे, शिवकर वाडीचे पोलीस पाटील विठ्ठल पुरी, मुर्शदपुरच्या पोलीस पाटील मनिषा चाकुरे, कोंडजीगडचे पोलीस पाटील दादासाहेब मुर्टे यांच्यासह पोलीस पाटील उपस्थित होते.
