उमरगा प्रतिनिधी :
शिवसेना उद्धव बाळासाहेब ठाकरे गटाच्या महाप्रबोधन यात्रेनिमित्त शिवसेनेच्या उपनेत्या प्रा. सुषमा अंधारे यांची सोमवारी (दि. ५) सायंकाळी पाच वाजता उमरगा शहरातील महामार्गालगत असलेल्या जुन्या जिल्हा परिषद शाळेच्या मैदानावर भव्य जाहीर सभेचे आयोजन करण्यात आले आहेत. यावेळी खासदार ओमप्रकाश राजेनिंबाळकर, जिल्हा प्रमुख तथा आमदार कैलास पाटील, जिल्हा परिषदेचे माजी उपाध्यक्ष बाबा पाटील यांची विशेष उपस्थिती राहणार आहे.
शिवसेनेच्या वतीने राज्यभर महाप्रबोधन यात्रेच्या माध्यमातून रान पेटवून प्रबोधन करणाऱ्या प्रा. सुषमा अंधारे यांच्या सभेसाठी शिवसैनिक कामाला लागले असून या प्रबोधन यात्रेत तालुका व परिसरातील जनतेनी मोठ्या संख्येने उपस्थित रहावे असे आवाहन शिवसेना उद्धव बाळासाहेब ठाकरे पक्षाचे तालुकाप्रमुख बाबुराव शहापुरे, माजी तालुका प्रमुख सुरेश वाले, विजयकुमार नागणे भगवान जाधव यांनी केले आहे.
