वार्तादूत – डिजिटल न्युज नेटवर्क
महाराष्ट्र राज्य लिंगायत महासंघाच्या लोहारा तालुकाध्यक्षपदी शंकर जट्टे, उपाध्यक्षपदी दत्तात्रय बिराजदार तर सचिवपदी जालिंदर कोकणे यांची निवड करण्यात आली आहे.
लोहारा शहरातील महात्मा बसवेश्वर मंदीरात लिंगायत महासंघाची बैठक शनिवारी (दि.९ ) आयोजित करण्यात आली होती. या बैठकीच्या अध्यक्षस्थानी जालिंदर कोकणे तर लिंगायत महासंघाचे प्रांताध्यक्ष प्रा. सुदर्शन बिरादार यांची प्रमुख उपस्थिती होती. या बैठकीत लिंगायत समाजाला आरक्षण, गावं तिथे लिंगायत स्मशानभूमी, अनुभव मंटप यासह विविध विषयांवर चर्चा झाली. याबाबत समाजाच्या इतर अडचणीबद्दल एकत्र येऊन प्रश्न मार्गी लावू असे प्रांताध्यक्ष प्रा. सुदर्शन बिरादार यांनी सांगितले. या बैठकीत तालुका कार्याध्यक्षपदी बसवराज बिडवे, संघटकपदी सागर पाटील, प्रसिद्धी प्रमुखपदी गणेश खबोले यांची निवड करण्यात आली. यावेळी महासंघाचे प्रांताध्यक्ष प्रा. सुदर्शन बिरादार यांच्या हस्ते सर्व निर्वाचित पदाधिकाऱ्यांना निवडीचे पत्र देऊन सत्कार करण्यात आला व पुढील कार्यासाठी शुभेच्छा दिल्या.
या बैठकीसाठी तालुका समन्वय समितीचे माजी तालुकाध्यक्ष नागन्ना वकील, माजी पंचायत समिती सदस्य चंद्रकांत पाटील, जिल्हा उपाध्यक्ष वैजिनाथ जट्टे, जिल्हा संघटक बालाजी मेनकुदळे, पंचय्या स्वामी, दयानंद स्वामी, चिदानंद जट्टे, राजकुमार कोराळे, उमाकांत मठपती, हरी लोखंडे, शिवमूर्ती मुळे, अमित बोराळे, ओम कोरे, सचिन स्वामी आदी उपस्थित होते.
