वार्तादूत – डिजिटल न्युज नेटवर्क
लोहारा येथे राष्ट्रवादी काँग्रेस पक्षाच्या वर्धापन दिनानिमित्त गुरुवारी (दि.१०) पत्रकारांच्या सत्काराच्या कार्यक्रमाचे आयोजन करण्यात आले होते. यावेळी लोहारा शहरातील पत्रकार बांधव व कार्यकर्ते उपस्थित होते.
१० जून १९९९ रोजी राष्ट्रवादी काँग्रेसची स्थापना करण्यात आली होती. त्यामुळे गुरुवारी ( दि. १०) २२ व्या वर्धापन दिनानिमित्त कार्यक्रमाचे आयोजन करण्यात आले होते. यावेळी लोहारा शहरातील पत्रकारांचा पक्षाच्या वतीने सत्कार करण्यात आला. कोविड १९ च्या काळात आपणही नागरिकांच्या समस्या प्रशासनासमोर आणून त्या सोडवण्यासाठी प्रयत्न करत विविध उपाययोजना बद्दल जनजागृती करण्याचे काम करत आहात. त्यामुळे तुम्हीही कोविड योद्धे आहात म्हणून आम्ही राष्ट्रवादी काँग्रेसच्या वर्धापन दिनानिमित्त हा सन्मान करत असल्याचे तालुकाध्यक्ष सुनील साळुंके यांनी यावेळी सांगितले. या कार्यक्रमात पत्रकार नीलकंठ कांबळे, बालाजी बिराजदार, गिरीश भगत, जे. के. बायस, अशोक दुबे, अब्बास शेख, गणेश खबोले, यशवंत भुसारे, सचिन ठेले यांचा सन्मान करण्यात आला.
यावेळी राष्ट्रवादी काँग्रेसचे तालुकाध्यक्ष सुनील साळुंके, सामाजिक न्याय विभागाचे प्रदेश सरचिटणीस जालिंदर कोकणे, जिल्हा सरचिटणीस शब्बीर गवंडी, जिल्हा कार्यकारिणी सदस्य हाजी बाबा शेख, युवक तालुकाध्यक्ष नाना पाटील, नवाज सय्यद, राजेंद्र कदम, मिलिंद नागवंशी, प्रकाश भगत, विद्यार्थी तालुकाध्यक्ष पृथ्वीराज जगताप, सामजिक न्याय विभागाचे तालुकाध्यक्ष संजय गायकवाड, स्वप्निल माटे आदी उपस्थित होते. सुत्रसंचालन जालिंदर कोकणे यांनी तर हाजी बाबा शेख यांनी आभार मानले. राष्ट्रवादी काँग्रेसच्या कार्यालयात हा कार्यक्रम घेण्यात आला.
