लोहाऱ्यातील डॉ. मयुरी गारठे यांचा ‘आयडीए’तर्फे विशेष सन्मान

लोहारा येथील दंतचिकित्सक डॉ. मयुरी गारठे यांना त्यांच्या प्रदीर्घ आणि समर्पित रुग्णसेवेबद्दल इंडियन डेंटल असोसिएशन धाराशिव शाखेतर्फे \’सन्मानपत्र\’ देऊन गौरवण्यात आले.
डॉ. मधुरी गारठे यांनी मागील अनेक वर्षांपासून लोहारा शहर आणि तालुक्यातील रुग्णांना दर्जेदार आरोग्य सेवा दिली आहे. केवळ दवाखान्यातील रुग्णसेवेपुरते मर्यादित न राहता, त्यांनी विविध सामाजिक उपक्रमांच्या माध्यमातून समाजातील सर्व स्तरांतील रुग्णांना दंत आरोग्याबाबत मार्गदर्शन केले आहे. त्यांच्या याच सेवेची दखल घेऊन \’आयडीए\’ने त्यांना हे मानाचे सन्मानपत्र बहाल केले. या सन्मान सोहळ्याप्रसंगी बोलताना आयडीएच्या पदाधिकाऱ्यांनी सांगितले की, \”डॉ. मयुरी गारठे यांचे कार्य सर्व कनिष्ठ दंतचिकित्सकांसाठी मार्गदर्शक आणि प्रेरणादायी आहे. त्यांनी आपल्या कार्यातून रुग्णसेवेचा एक आदर्श निर्माण केला आहे. धाराशिव येथे ६ मार्च २०२६ रोजी आयोजित एका विशेष सोहळ्यात आयडीए धाराशिव शाखेचे अध्यक्ष डॉ. प्रतिक शेटे (तुळजापूर) आणि सचिव डॉ. रोहन झाडे (धाराशिव) यांच्या हस्ते हे सन्मानपत्र प्रदान करण्यात आले. यावेळी दंतवैद्यकीय क्षेत्रातील अनेक मान्यवर डॉक्टर आणि प्रतिष्ठित नागरिक मोठ्या संख्येने उपस्थित होते. या गौरवाबद्दल लोहारा शहरासह संपूर्ण तालुक्यात डॉ. मयुरी गारठे यांचे कौतुक केले जात आहे.