वार्तादूत – डिजिटल न्युज नेटवर्क
ओम साई विकास प्रतिष्ठान आणि बी.बी.सी.फिल्म प्रोडक्शन यांच्या संयुक्त विद्यमाने दि. १२ जून रोजी शिर्डी येथे साई कलारत्न समाजभूषण पुरस्कार सोहळा २०२२ चे आयोजन करण्यात आले आहे. या कार्यक्रमात प्रसिद्ध सिनेअभिनेत्री श्री मेसवाल यांना साई कलारत्न समाजभूषण पुरस्कार देऊन मान्यवरांच्या हस्ते सन्मानित करण्यात येणार आहे.
रविवारी दि. १२ जून रोजी शिर्डी येथील हाॅटेल के.बी.एस.ग्रॅन्ड येथे सकाळी दहा वाजता हा कार्यक्रम आयोजित करण्यात आला आहे. या कार्यक्रमासाठी कानडगावचे मा. सरपंच सोपानराव हिरगळ, कृषी अधिकारी लहानू चोखर, साई संस्थान चे विश्वस्त सुरेश शेठ वाबळे, अविनाश दंडवते तसेच दिलीपराव वाघचौरे, प्रसादराव सांगळे, सौ. तुपे मॅडम, सौ. लामखडे मॅडम, श्रीराम ताडपत्रिकर यांची प्रमुख उपस्थिती राहणार आहे.
याच कार्यक्रमात सुप्रसिद्ध सिनेअभिनेत्री श्री मेसवाल यांना यावर्षीचा साई कलारत्न समाजभूषण पुरस्कार सोहळा २०२२ देऊन गौरविण्यात येणार आहे. या कार्यक्रमासाठी जास्तीत जास्त नागरिकांनी उपस्थित राहावे असे आवाहन अध्यक्ष सुदाम संसारे, उपाध्यक्ष भीमसेन चव्हाण यांनी केले आहे.
