वार्तादूत – डिजिटल न्युज नेटवर्क
शिंदे फडणवीस सरकारच्या मंत्रिमंडळाचा विस्तार कधी होणार याकडे सर्वांचे लक्ष लागले होते. अखेर मंत्रिमंडळ विस्ताराचा मुहूर्त सापडला असून ५ ऑक्टोबर च्या आधी मंत्रिमंडळ विस्तार होणार असल्याची माहिती सूत्रांनी दिली आहे.
शिंदे फडणवीस सरकार स्थापन झाल्यानंतर मंत्रिमंडळात स्थान मिळविण्यासाठी अनेकांनी जोरदार शक्ती प्रदर्शन केले होते. या मंत्रिमंडळात शिंदे गट व भाजपाचे प्रत्येकी नऊ अशा एकूण आठरा जणांना मंत्रिपदाची शपथ देण्यात आली होती. त्यामुळे अनेक इच्छुक नाराज झाल्याचे दिसून आले होते. त्यानंतर वरिष्ठांकडून त्यांची समजूत काढण्यात आली होती. मंत्रिमंडळ विस्तारात नक्की स्थान देऊ असे आश्वासन ही काहींना दिल्याचे सांगण्यात येत आहे. त्यामुळे मंत्रिमंडळ विस्तार कधी होणार याकडे अनेकांचे लक्ष लागले होते. अखेर मंत्रिमंडळ विस्ताराला मुहूर्त मिळाला असून ५ ऑक्टोबर पर्यंत मंत्रिमंडळ विस्तार होणार असल्याची माहिती सुत्रांनी दिली आहे. त्यामुळे या मंत्रिमंडळ विस्तारात स्थान मिळावे यासाठी अनेकांकडून जोरदार फिल्डिंग लावली जात आहे.
