काँग्रेस पक्षाच्या अध्यक्ष निवडीसाठी सोमवारी (दि. १७) मतदान पार पडले. अध्यक्ष पदाच्या या निवडणुकीची मतमोजणी बुधवारी (दि.१९) होणार आहे. त्यामुळे काँग्रेसचे नवीन अध्यक्ष म्हणून कोणाची निवड होणार याकडे सर्वांचे लक्ष लागले आहे.
काँग्रेस पक्षाच्या अध्यक्ष पदासाठी काँग्रेसचे ज्येष्ठ नेते मल्लिकार्जुन खर्गे व शशी थरूर इच्छुक होते. यासाठी सोमवारी (दि. १७) मतदान प्रक्रिया पार पडली. सन २००० नंतर प्रथमच अध्यक्ष पदासाठी मतदान प्रक्रिया पार पडली. या निवडणुकीची मतमोजणी बुधवारी (दि. १९) दिल्ली येथील काँग्रेस मुख्यालयात होईल. त्यामुळे काँग्रेसच्या अध्यक्षपदी मल्लिकार्जुन खर्गे की शशी थरूर विराजमान होणार याकडे सर्वांचे लक्ष लागले आहे.
