नेताजी सुभाषचंद्र बोस महाविद्यालयाची विद्यार्थिनी अपर्णा सूर्यवंशी यांची राज्यस्तरीय वेटलिफ्टिंग स्पर्धेसाठी निवड

वार्तादूत – डिजिटल न्युज नेटवर्क
क्रीडा व युवक सेवा संचालनालय महाराष्ट्र राज्य यांच्या वतीने तसेच क्रीडा उपसंचालक विभागीय कार्यालय लातूर व जिल्हा क्रीडा अधिकारी कार्यालय नांदेड यांच्या संयुक्त विद्यमाने रामगडिया वेटलीफ्टीग अकॅडमी नांदेड येथे झालेल्या विभागीय वेटलिफ्टिंग स्पर्धेत लोहारा शहरातील नेताजी सुभाषचंद्र बोस कनिष्ठ महाविद्यालयाची बारावी वाणिज्य शाखेतील विद्यार्थीनी कु. अपर्णा शिवाजी सूर्यवंशी हीने 19 वर्ष वयोगट व 55 किलो वजन गटात प्रथम क्रमांक मिळवून राज्यस्तरीय स्पर्धेसाठी आपला प्रवेश निश्चित केला आहे. राज्यस्तरीय स्पर्धा 11 व 12 डिसेंबर रोजी सिंधुदुर्ग येथे होणार आहेत. अपर्णाच्या या यशाचे प्राचार्या उर्मिला पाटील यांनी अभिनंदन करून कौतुक केले. तसेच राज्यस्तरीय स्पर्धेसाठी शुभेच्छा दिल्या. क्रीडा विभाग प्रमुख प्रा. प्रशांत काळे व नागनाथ पांढरे यांनी मार्गदर्शन केले. याप्रसंगी सर्व प्राध्यापक, शिक्षक व शिक्षकेतर कर्मचारी यांनी अभिनंदन केले व राज्यस्तरीय स्पर्धेसाठी शुभेच्छा दिल्या. याप्रसंगी अपर्णाचा सत्कार प्राचार्या उर्मिला पाटील यांनी केला. अपर्णाच्या यशाने प्रेरित होऊन विद्यार्थ्यांनी अभ्यासा बरोबर क्रीडा स्पर्धेत आपला सहभाग घ्यावा असे आवाहन प्राचार्या उर्मिला पाटील यांनी केले.

याप्रसंगी प्राचार्यानी क्रीडा विभाग प्रमुख प्रा. प्रशांत काळे व नागनाथ पांढरे यांचे अभिनंदन करून शुभेच्छा दिल्या. यावेळी प्रा. सुनिल बहिरे, प्रा. सचिन शिंदे, प्रा. बालाजी सूर्यवंशी, प्रा. राजेंद्र साळुंके, प्रा. ज्ञानदेव शिंदे, प्रा. रामचंद्र खुणे यांच्यासह प्राध्यापक, शिक्षक, शिक्षकेतर कर्मचारी, विद्यार्थी मोठया संख्येने उपस्थित होते.