लोहारा नगरपंचायतीच्या वतीने जागतिक महिला दिनानिमित्त विविध क्षेत्रातील महिलांचा गौरव – कु. आकांशा ज्ञानराज चौगुले यांच्या हस्ते झाला महिलांचा सन्मान

वार्तादूत – डिजिटल न्युज नेटवर्क
जागतिक महिला दिनानिमित्त लोहारा नगरपंचायतीच्या वतीने बुधवार (दि. 8 ) आयोजित कार्यक्रमात ज्ञानज्योती महिला सहकारी पतसंस्थेच्या चेअरमन कु. आकांक्षा ज्ञानराज चौगुले यांच्या हस्ते विविध क्षेत्रात कार्यरत असणाऱ्या महिलांचा गौरव करण्यात आला. तसेच गरजू महिलांना साडी-चोळी वाटप करण्यात आले.
या कार्यक्रमाच्या अध्यक्षस्थानी नगराध्यक्षा वैशाली अभिमान खराडे ह्या होत्या. या कार्यक्रमासाठी शिवसेना गटनेत्या सारिका बंगले, नगरसेविका आरती कोरे, मयुरी बिराजदार, कमल भरारे, शमाबी शेख, सुमन रोडगे, संगीता पाटील, आरती गिरी, श्यामल माळी तसेच महिला भगिनी मोठ्या संख्येने उपस्थित होत्या.

लोहारा नगरपंचायती मध्ये संपन्न झालेल्या या कार्यक्रमात लोहारा शहर व परिसरातील डॉक्टर महिला, शिक्षिका महिला, अंगणवाडी सेविका, महिला पोलीस कर्मचारी, उद्योजक महिला, बचत गटाच्या महिला, गृहिणी महिला तसेच राजकीय व सामाजिक क्षेत्रात काम करणाऱ्या महिलांना मान्यवरांच्या हस्ते गौरविण्यात आले.