फसवणुकीचा गुन्हा दाखल – उस्मानाबाद जनता बँकेच्या तत्कालीन चेअरमन, संचालक मंडळ व तत्कालीन मुख्य कार्यकारी अधिकारी यांच्याविरुद्ध गुन्हा दाखल

उस्मानाबाद जनता सहकारी बँकेचे तत्कालीन चेअरमन, संचालक मंडळ व मुख्य कार्यकारी अधिकारी यांनी दि.28.09.2005 ते 31.03.2008 या दरम्यान संगणमत करुन नोयडा टोल ब्रिज कंपनी लि. ही कंपनी दिवाळखोरीत असताना व त्या कंपनीची पडताळणी न करता, त्या कंपनीमध्ये एसीई गिल्टस ट्रेडींग प्रा.लि.मुंबई या ब्रोकर कंपनीच्या मार्फतीने जैन सहकारी बॅक लि. आणि दि.अेक्सस्टाईल को.ऑपरेटीव्ह बॅक ली.बेंगलोर येथील खात्यावरुन एकुण 4400 डिप डिस्काउंट बॉन्ड खरेदी करणे करीता प्रत्येकी 23,000/- रु प्रमाणे असे जास्तीची रक्कम देवुन नियम बाह्य पध्दतीने पध्दतीने बॉन्ड खरेदी करुन व रिझर्व्ह बॅक ऑफ इंडिया यांचे नियमावलीचे उल्लंघन करुन 5 कोटी 46 लाख 12 हजार रक्कमेची उस्मानाबाद जनता सहकारी बॅकेतील सभासद व ठेवीदार यांच्या रक्कमेची अपहार करुन फसवणूक केली.
म्हणून उस्मानाबाद जनता सहकारी बँक लि. उस्मानाबाद चे तत्कालीन चेअरमन, संचालक मंडळ व तत्कालीन मुख्य कार्यकारी अधिकारी यांचेविरुध्द उस्मानाबाद जनता सहकारी बँकेचे सभासद नामे प्रविण विष्णुपंत धाबेकर, वय 53 वर्षे, व्यवसाय टाटा शोरुम, रा. शंत्रुजय बिल्डींग, तांबरी विभाग, उस्मानाबाद यांनी उस्मानाबाद शहर पोलीस ठाणे येथे गुरनं 173/2023 भा.द.सं. कलम 420, 409, 34 अन्वये दि.19.05.2023 रोजी गुन्हा नोंद केला असुन पुढील तपास आर्थिक गुन्हे शाखेचे पोलीस निरीक्षक श्री. संतोष शेजाळ हे करीत आहेत.