भास्कर बेशकराव यांच्या सेवापूर्तीनिमित्त सत्कार

लोहारा गटशिक्षणाधिकारी कार्यालयातील शिक्षण विस्तार अधिकारी भास्कर बेशकराव यांच्या सेवापूर्तीनिमित्त शुक्रवारी (दि.२८) वसंतदादा पाटील हायस्कूल संलग्न नेताजी सुभाषचंद्र बोस कनिष्ठ महाविद्यालयात त्यांचा सपत्नीक सत्कार करण्यात आला.
प्राचार्या यू. व्ही. पाटील व बी.एल. जाधव यांच्या हस्ते भास्कर बेशकराव यांचा सपत्नीक सत्कार करण्यात आला. या कार्यक्रमाच्या अध्यक्षस्थानी प्राचार्या यू.व्ही. पाटील होत्या. या कार्यक्रमाचे सूत्रसंचालन प्रा. सुनील बहिरे यांनी केले. यावेळी बालाजी इरुदे यांनी जुन्या आठवणींना उजाळा देत अनेक प्रसंग सांगितले. प्रा. आर. डी. साळुंके यांनी मनोगत व्यक्त केले. सांस्कृतिक विभाग प्रमूख एस. टी. मोरे यांनी आभार मानले. याप्रसंगी सर्व शिक्षक, प्राध्यापक व शिक्षकेतर कर्मचारी उपस्थित होते.