धम्मदिप कांबळे याचे कुस्ती स्पर्धेत यश

धाराशिव येथे पार पडलेल्या आंतरमहाविद्यालयीन झोनल ५५ किलो वजनी गटातील ‘ग्रिको-रोमन’ कुस्ती स्पर्धेमध्ये मराठवाडा शिक्षण प्रसारक मंडळ संचलित लोहारा शहरातील भानुदासराव चव्हाण महाविद्यालयाचा विद्यार्थी धम्मदिप कांबळे याने प्रथम क्रमांक (गोल्ड मेडल) पटकावला. या विजयी खेळाडूची छत्रपती संभाजीनगर येथे होणाऱ्या विद्यापीठ स्तरावरील इंटर झोनल कुस्ती स्पर्धेसाठी धाराशिव जिल्ह्यातून निवड झाली आहे.
विजयी झाल्याबद्दल संस्थेचे अध्यक्ष प्रकाश सोळंके, मार्गदर्शक प्रदीप चव्हाण, महाविद्यालय विकास समितीचे अध्यक्ष प्रा. सतीश इंगळे, महाविद्यालयाचे प्राचार्य डॉ. रामदास ढोकळे, प्रा. स्वाती निकम, प्राध्यापक व शिक्षकेतर कर्मचारी यांनी अभिनंदन केले व पुढील स्पर्धेसाठी शुभेच्छा दिल्या. महाविद्यालयाने आत्तापर्यंत मिळवलेल्या विविध स्पर्धातील यशामुळे खेळाडूंचे सर्वत्र कौतुक होत आहे.