मागच्या अनेक महिन्यांपासून दुरुस्ती वाचून बंद असलेला बोअरवेल (विद्युत पंप) दुरुस्त करून नागरिकांची पाण्याची अडचण दूर करून गणेशोत्सवा (Ganeshotsav) निमित्त एक स्तुत्य उपक्रम राबविण्यात आला आहे.
लोहारा (Lohara) तालुक्यातील भातागळी येथील स्वराज्य ग्रुप च्या वतीने दरवर्षी गणेशोत्सव साजरा करण्यात येतो. यानिमित्त दरवर्षी विविध सामाजिक उपक्रम राबविण्यात येतात. मागील अनेक महिन्यांपासून दुरुस्तीवाचून गावातील एक बोअरवेल बंद असलेले या स्वराज्य ग्रुप च्या पदाधिकाऱ्यांना कळले. त्यामुळे तात्काळ या बोअरवेल ची दुरुस्ती स्वराज्य ग्रुपच्या वतीने करून देण्यात आली आहे. यामुळे परिसरातील नागरिकांची पिण्याच्या पाण्याची गैरसोय दूर झाली असून नागरिकांनी स्वराज्य ग्रुप च्या या कार्याचे कौतुक केले आहे. यावेळी स्वराज्य ग्रुपचे मार्गदर्शक तानाजी बापू आनंदगावकर, संस्थापक अध्यक्ष पृथ्वीराज जगताप, समिती अध्यक्ष महादेव आनंदगावकर, उपाध्यक्ष महादेव जगताप, धनंजय शिंदे, पवन जगताप, बळवंत आनंदगावकर, प्रभू खोत, प्रतिक आनंदगावकर, अनंत पोतदार, महेश गिरी, बाळासाहेब आनंदगावकर, आत्माराम काकडे, उत्तम सुरवसे यांच्यासह सदस्य उपस्थित होते.
