लोहारा (lohara) तालुक्यातील सालेगाव येथील श्री छत्रपती शिवाजी विद्यालयातील इयत्ता आठवीतील विद्यार्थी आविष्कार घोगे याने एनएमएमएस (nmms) परीक्षेत यश मिळवून शिष्यवृत्तीधारक झाल्याबद्दल शाळेच्या वतीने शनिवारी (दि.१३) त्याचा सत्कार करण्यात आला. यावेळी शाळेचे मुख्याध्यापक सुरेश रोहिणे यांच्यासह शिक्षक विकास गोरे, रुपेश सरवदे, श्रीमती उज्वला गोरे, लिपिक शिवाजी कांबळे, संजय साळुंके व विद्यार्थी उपस्थित होते. अविष्कार घोगे या विद्यार्थ्याने एनएमएमएस परीक्षेत मिळवलेल्या यशाबद्दल संस्थेच्या अध्यक्षा शैलजा मगर, सचिव सुरेश बिराजदार, कोषाध्यक्ष दत्तात्रय बिराजदार आदींनी त्याचे अभिनंदन केले आहे.
