वार्तादूत : डिजिटल न्युज नेटवर्क
मराठवाडा शिक्षण प्रसारक मंडळ, छत्रपती संभाजीनगर संचलित भानुदासराव चव्हाण कला, विज्ञान व वाणिज्य महाविद्यालय, लोहारा या महाविद्यालयाचे नॅक (NAAC) मूल्यांकन होणार आहे. दि. ३० व ३१ जानेवारी रोजी मूल्यांकन समिती या महाविद्यालयास भेट देणार आहे. मूल्यांकनासाठी भानुदासराव चव्हाण कला, विज्ञान व वाणिज्य महाविद्यालय सज्ज झाले आहे. दि. ३० जानेवारी रोजी समिती सदस्य माजी विद्यार्थी व पालकांशी संवाद साधणार आहेत. या नॅक मूल्यांकनासाठी महाविद्यालयातील माजी विद्यार्थी व पालकांनी उपस्थित राहावे असे आवाहन महाविद्यालय विकास समितीचे सदस्य प्रा. सतिश इंगळे, प्राचार्य डॉ. दौलतराव घोलकर व समन्वयक डॉ. प्रशांत माने यांनी केले आहे.