लोहारा शहरातील किंग कोब्रा सार्वजनिक गणेशोत्सव मंडळाच्या वतीने शुक्रवारी (दि.१३) रक्तदान शिबीर घेण्यात आले. या शिबिरात ६१ रक्तदात्यांनी रक्तदान केले.
शहरातील किंग कोब्रा सार्वजनिक गणेशोत्सव मंडळाकडून दरवर्षी विविध सामाजिक उपक्रम राबविले जातात. यावर्षी ही विविध स्पर्धा, सामाजिक उपक्रमाचे आयोजन करण्यात आले आहे. शुक्रवारी (दि.१३) रक्तदान शिबीर घेण्यात आले. या शिबिराचे उद्घाटन लोहारा पोलीस ठाण्याचे पोलीस निरीक्षक अजित चिंतले यांच्या हस्ते करण्यात आले. या रक्तदान शिबिरास उत्स्फूर्त प्रतिसाद मिळाला असून एकूण ६१ रक्तदात्यांनी रक्तदान केले. उमरगा येथील श्रीकृष्ण रक्तपेढीने या शिबिरात रक्तसंकलन केले. तुळजापूर येथील तृतीयपंथी राखी ढोरे दरवर्षीप्रमाणे याही वर्षी त्यांनी रक्तदान करून एक आदर्श निर्माण केलेला आहे. रक्तदान शिबीर यशस्वीरित्या पार पाडण्यासाठी मंडळाचे अध्यक्ष जितेश फुलकुर्ते, उपाध्यक्ष देवा महाजन, सचिव ईश्वर बिराजदार, ओम पाटील यांच्यासह मंडळाचे सदस्य गगन माळवदकर, किरण पाटील, शंभुलिंग स्वामी, महेश कुंभार, महेश चपळे, श्याम कोरे, स्वप्नील स्वामी, सुनील देशमाने, गिरीश जट्टे, केदार जट्टे, सचिन स्वामी व मंडळातील आजी-माजी सर्व पदाधिकारी उपस्थित होते.