तोरंबा येथील भाऊसाहेब बिराजदार प्राथमिक विद्यालयात विद्यार्थ्यांना शालेय साहित्य वाटप

लोहारा तालुक्यातील तोरंबा येथील भाऊसाहेब बिराजदार प्राथमिक विद्यालयात मंगळवारी (दि. ३०) श्री सोलापूर गुजराती मित्र मंडळ सोलापूर यांच्या वतीने विद्यार्थ्यांना शालेय साहित्याचे वाटप करण्यात आले.
तालुक्यातील तोरंबा येथील भाऊसाहेब बिराजदार प्राथमिक विद्यालयात हा कार्यक्रम घेण्यात आला. कार्यक्रमाची सुरुवात माजी आमदार कै. भाऊसाहेब बिराजदार यांच्या प्रतिमेचे पूजन करून झाली. या कार्यक्रमाच्या अध्यक्षस्थानी राष्ट्रवादी काँग्रेसचे लोहारा तालुकाध्यक्ष सुनील साळुंके हे होते. कार्यक्रमासाठी
लोहारा पंचायत समितीचे गटशिक्षणाधिकारी सुभाष चव्हाण, गोविंदराव साळुंके, तात्याराव चव्हाण, बळी रणखांब, बालाजी चव्हाण, शिवाजी किर्नाळे, सुरेश चव्हाण, अजय रणखांब, महादेव बिराजदार, मुख्याध्यापक व्यंकट बिराजदार यांची उपस्थिती होती. यावेळी शाळेतील विद्यार्थ्यांना श्री सोलापूर गुजराती मित्र मंडळ यांच्या वतीने मान्यवरांच्या हस्ते शालेय साहित्याचे वाटप करण्यात आले. कार्यक्रमाचे प्रास्ताविक मुख्याध्यापक व्यंकट बिराजदार यांनी केले. श्री. बोडरे यांनी सूत्रसंचालन करून आभार मानले.