लोहारा (lohara) तालुक्यातील आष्टा कासार येथील जिल्हा परिषद कन्या प्राथमिक शाळेच्या शालेय व्यवस्थापन समितीची निवड खेळी मेळीच्या वातावरणात पार पडली. शालेय समितीच्या अध्यक्षपदी कांचन टिकांबरे यांची तर उपाध्यक्ष पदी स्वाती मदने यांची बिनविरोध निवड झाली आहे.
तालुक्यातील आष्टा कासार येथील जिल्हा परिषद कन्या प्राथमिक शाळेच्या शालेय व्यवस्थापन समितीच्या निवडीसाठी पालक सभा घेण्यात आली. या बैठकीस बहुसंख्य पालक हजर होते. या पालक सभेमध्ये शालेय व्यवस्थापन समितीचे अध्यक्ष म्हणून कांचन विजयकुमार टिकांबरे यांची तर उपाध्यक्ष म्हणून स्वाती पद्माकर मदने यांची बिनविरोध निवड करण्यात आली. या निवडीबद्दल त्यांचे सर्वत्र कौतुक करण्यात येत आहे. यावेळी मुख्याध्यापक सुभाष नागणे, सौ. नागणे मॅडम, जयंत अष्टेकर, प्रशांत सोमवंशी, बालाजी औटी, अमोल बलसुरे माजी अध्यक्ष सौ. सुतार मॅडम यांच्यासह बहुसंख्य पालक या बैठकीस हजर होते. या बैठकीत अध्यक्ष व उपाध्यक्ष यांची बिनविरोध निवड करण्यात आली. निवडीनंतर त्यांचा सत्कार करण्यात आला.
