मानवलोक संस्थेचे संस्थापक डॉ. द्वारकादास लोहिया यांच्या जयंतीनिमित्त तालुक्यातील सालेगाव येथील निरामय वानप्रस्थाश्रम मधे राहणाऱ्या सर्वांना प्रत्येकी दोन ड्रेसचे वाटप सालेगावचे मुरलीधर पाटील, कलदेव नि़बाळा येथील सामाजिक कार्यकर्ते देविदास पावशेरे, संस्थेचे सदस्य गोविंदराव साळुंके, विलास भगत यांच्या हस्ते करण्यात आले. यावेळी सुरुवातीला सर्वांनी डॉ. लोहिया यांच्या प्रतिमेचे पूजन करून अभिवादन केले. यावेळी मानवलोकचे संचालक बंडू पाटील यांच्यासह विजयकुमार बिराजदार, परमेश्वर साळुंके, शिवाजी गुरव, व्यंकट तडोळे आदी उपस्थित होते.
