लोहारा तालुक्यातील सास्तुर येथे राष्ट्रीय मतदार दिनानिमित्त गुरुवारी (दि. २५) निवासी दिव्यांग शाळा व श्री. शांतेश्वर दिव्यांग कौशल्य विकास संस्था यांच्या संयुक्त विद्यमाने सास्तूर गावामध्ये मतदार जनजागृती रॅली व पथनाट्याचे आयोजन करण्यात आले होते.
या रॅलीला प्रशालेचे मुख्याध्यापक बालाजी नादरगे व प्राचार्य बी.एम.बालवाड यांच्या हस्ते हिरवा झेंडा दाखवून सुरुवात करण्यात आली. यावेळी प्रशालेतील अंजली चलवाड, प्रा. बाबुराव ढेले, राम बेंबडे, कपिल रेड्डी, संध्या गुंजारे, प्रविण वाघमोडे, विठ्ठल शेळगे, राजकुमार गुंडूरे, महेश काळे, संजय जाधव, लक्ष्मी घोडके यांची प्रमुख उपस्थिती होती. रॅलीस प्रारंभ झाल्यानंतर गावातील मुख्य रस्त्याने दिव्यांग विद्यार्थी मतदार जनजागृती विषयक घोषणा देत पुढे छत्रपती शिवाजी महाराज चौकात गेल्यावर छ्त्रपती शिवाजी महाराजांच्या पुतळ्याला पुष्पहार अर्पण करून अभिवादन करण्यात आले. प्रशालेतील दिव्यांग विद्यार्थिनी ममता गोठमुखले, राणी मनाळे, सौन्दर्या कुकुर्डे, पूजा कुकुर्डे, रुपा घोसले, सोनाली बेळे यांनी मतदार जनजागृती पथनाट्य सादर करून उपस्थित नागरीकांचे प्रबोधन केले.
सदर पथनाट्य निर्मीती संकल्पना मुख्याध्यापक बी.टी.नादरगे यांची होती तर पथनाट्याचे दिग्दर्शन प्रविण वाघमोडे यांनी केले. नागरिकांचा या कार्यक्रमास उत्स्फूर्त प्रतिसाद लाभला. रॅली पुढे जात असताना बसस्थानक, क्रांती चौक, स्पर्श ग्रामीण रुग्णालयाच्या चौकात पथनाट्य सादरीकरण करण्यात आले. शेवटी प्रशालेत येवून रॅलीची सांगता करण्यात आली. याप्रसंगी राष्ट्रीय मतदार दिनानिमित्त शपथ घेण्यात आली. सदरील रॅलीमध्ये प्रशालेतील दिव्यांग विद्यार्थी, प्रशिक्षण केंद्रातील दिव्यांग विद्यार्थी मोठ्या संख्येने सहभागी झाले होते. या कार्यक्रमाच्या यशस्वी आयोजनासाठी ज्ञानोबा माने, शंकरबावा गिरी, गोरक पालमपल्ले, सुरेखा परीट, किरण मैंदर्गी, कविता भंडारे, निशांत सावंत, प्रयागताई पवळे, दगडू सगर, नारायण हसनाळे, सूर्यकांत कोरे, भिमराव गिर्दवाड, माधव मुंडकर आदींनी परिश्रम घेतले. कार्यक्रमाचे सूत्रसंचालन प्रविण वाघमोडे यांनी तर विठ्ठल शेळगे यांनी आभार मानले.
