योगा व प्राणायमाचा धावत्या जीवनशैलीत सांगड घालणे अत्यावश्यक आहे असे प्रतिपादन प्राचार्य डॉ. जी. एच. जाधव यांनी केले.
भारत शिक्षण संस्थेच्या माकणी येथील कला विज्ञान व वाणिज्य महाविद्यालयात शुक्रवारी (दि.२१) आंतरराष्ट्रीय योगा दिवस साजरा करण्यात आला. त्या अनुषंगाने महाविद्यालयात योग शिबिराचे आयोजन करण्यात आले होते. यावेळी ते बोलत होते.
या शिबिरात प्रशिक्षण देण्यासाठी ज्ञानप्रबोधिनी हराळी येथील कु. आरती दिलीप बनसोडे व कु. प्राची दिलीप बनसोडे या दोघीं बहीणीनी योग शिक्षण घेतलेले असून त्या पुणे या शहरामध्ये योग शिबीरामध्ये प्रशिक्षण देतात. त्यांना महाविद्यालयात प्रशिक्षण देण्यासाठी मार्गदर्शक म्हणून बोलवण्यात आले होते. आंतरराष्ट्रीय योगदिनाचे औचित्य साधून महाविद्यालयाचे नवनिर्वाचीत प्राचार्य डॉ. जी. एच. जाधव यांनी सुरुवातीस योगा व प्राणायाम यांचा सांगाड घालणे धावत्या जीवनशैलीमध्ये आवश्यक असल्याचे मत व्यक्त करत आज आपण पुर्णपणे स्वतःच्या शरीराकडे दुर्लक्ष करून चालणार नाही. आज नवनवीन आजार, हृदय रोगाचे वाढते प्रमाण, किडनी , लिव्हर, कॅन्सर अशा वेगवेगळ्या प्रकारच्या आजारास आजचा तरुण बळी पडत आहे. यामुळे योगा व प्राणायाम नित्य नियमित करणे आवश्यक असून प्रथमता भारत देशानेच योगाविषयीचे उत्पती व महत्व इतर सर्व देशांना पटवून दिली असल्यामुळे इतर देशामध्ये योग प्रशिक्षणावर लोकांनी भर दिला असल्याचे सांगितले. तसेच अशा शिबीरामध्ये सहभागी होवून योगाच्या सर्व प्रकारात पारंगत होवून ते आपपल्या घरी दररोज नियमित करावे असे आवाहन व्यक्त केले. याप्रसंगी महाविद्यालयातील सर्व प्राध्यापक, शिक्षकेत्तर कर्मचारी आणि विद्यार्थी मोठ्या संख्येने उपस्थित होते.
