राष्ट्रवादी काँग्रेसचे प्रदेश उपाध्यक्ष सुरेशदाजी बिराजदार यांच्या वाढदिवसानिमित्त तोरंबा येथे मोफत नेत्ररोग तपासणी शिबिर

सोलापूर गुजराती मित्र मंडळ व पुणे अंधजन मंडळ संचलित देसाई रुग्णालय यांच्या सहकार्याने लोहारा तालुक्यातील तोरंबा येथील भाऊसाहेब बिराजदार प्राथमिक विद्यालयाच्या सभागृहात राष्ट्रवादी काँग्रेसचे प्रदेश उपाध्यक्ष सुरेशदाजी बिराजदार यांच्या वाढदिवसानिमित्त मंगळवारी (दि.२०) मोफत नेत्ररोग तपासणी तथा मोफत मोतीबिंदू शस्त्रक्रिया शिबिर घेण्यात आले.
तालुक्यातील तोरंबा येथे मंगळवारी (दि.२०) सकाळी ९ ते दुपारी १ च्या दरम्यान हे शिबीर घेण्यात आले. या शिबिराचे उद्घाटन राष्ट्रवादी वक्ता सेलचे जिल्हा कार्याध्यक्ष सचिन रणखांब यांच्या हस्ते करण्यात आले. यावेळी उपसरपंच तानाजी रणखांब, लक्ष्मण रणखांब, विक्रम चव्हाण, रवींद्र रणखांब, दादासाहेब रणखांब, सुग्रीव रणखांब, अजय रणखांब, संस्थेचे संचालक तात्याराव चव्हाण, मुख्याध्यापक व्यंकट बिराजदार यांची प्रमुख उपस्थिती होती. शिबिरामध्ये एकूण १५५ लाभार्थ्यांनी लाभ घेतला. त्यामध्ये ३० रुग्णांमध्ये नेत्रदोष आढळून आला. तर ३२ गरजूंना अल्प दरात चष्म्याचे वाटप करण्यात आले. या कार्यक्रमाचे प्रास्ताविक शाळेचे मुख्याध्यापक व्यंकट बिराजदार यांनी केले. कार्यक्रमाचे सूत्रसंचालन एल. एम. बोडरे यांनी तर जी. के. माने यांनी आभार मानले. कार्यक्रम यशस्वीरित्या पार पाडण्यासाठी विद्यालयातील सर्व शिक्षक तसेच ग्रामस्थांनी सहकार्य केले.