लोहारा Lohara) तालुक्यातील हिप्परगा(रवा) येथील स्वामी रामानंद तीर्थ विद्यालयात मतदान जागृती अभियान अंतर्गत विद्यार्थ्यांनी त्यांच्या पालकांना व नातेवाईकांना पत्र लिहून मतदारांना मतदान करण्यासाठीचे आवाहन केले.
तालुक्यातील हिप्परगा (रवा) येथे हा उपक्रम राबविण्यात आला. मतदान करणे हे सर्वांचे राष्ट्रीय कर्तव्य असून ते पार पाडण्याची जबाबदारी सर्वांनी पार पाडावी असे आवाहन विद्यार्थ्यांनी पत्रातून केले. याप्रसंगी विद्यार्थ्यांनी मतदान जागृती अभियानानिमित्त प्रभात फेरी काढण्यात आली. यावेळी मतदान जागृतीच्या घोषणा देऊन मतदारांना मतदान करण्याविषयी आवाहन करण्यात आले. याप्रसंगी विद्यालयाचे मुख्याध्यापक एस. बी. भोईटे, बी.एस. स्वामी, जी. डी. मैदाड, ए.व्ही. जाधव, एस.के. जाधव आदींसह कर्मचारी व विद्यार्थी उपस्थित होते.
