लोहारा तालुक्यातील बेलवाडी येथील जिल्हा परिषद प्राथमिक शाळेतील शिक्षिका सुनंदा मधुकर निर्मळे यांना जागतिक महिला दिनानिमित्त (International Women’s Day) कर्तृत्ववान महिला पुरस्कार २०२४ जाहीर झाला आहे.
मातृसेवा फाउंडेशन ठाणे, सनेज आणि शिक्षक ध्येय महाराष्ट्र यांच्या संयुक्त विद्यमाने राज्यस्तरीय कर्तृत्ववान महिला पुरस्कार स्पर्धेचे आयोजन करण्यात आले होते. लोहारा (Lohara) तालुक्यातील बेलवाडी येथील जिल्हा परिषद शाळेच्या शिक्षिका सुनंदा निर्मळे यांनी दररोज इंग्रजीचे तीन शब्द हा उपक्रमाचा प्रस्ताव सादर केला होता. त्यांच्या उपक्रमाचे वैशिष्ट्य म्हणजे विद्यार्थ्यांनी दररोज तीन शब्द पाठांतर करणे व त्याचा वापर बोलीभाषेत करणे असा होता. त्यामुळे विद्यार्थ्यांना इंग्रजी शब्द पाठांतराची आवड पण लागणार आहे व विद्यार्थ्यांना आत्मविश्वास पण येणार आहे. त्यांच्या या प्रस्तावास पुरस्कार जाहीर झाला आहे. हा पुरस्कार मिळाल्याबद्दल त्यांचे लोहारा तालुक्यातील शिक्षकांकडून अभिनंदन केले जात आहे.
