लोहारा तालुक्यातील सास्तुर येथे महाशिवरात्री (mahashivratri) व जागतिक महिला दिनानिमित्त (world women\’s day) शुक्रवारी (दि.८) ग्रामदैवत श्री शांतेश्वर महाराज मंदिरात सामूहिक महारुद्र अभिषेक सोहळा संपन्न झाला.
सास्तुरच्या (sastur) सरपंच शितल पाटील व हनमंताचारी जोशी यांच्या मार्गदर्शनाखाली हा सोहळा आयोजित करण्यात आला होता. यात गावातील महिलांना मोठ्या संख्येने सहभाग घेतला होता. दुष्काळी परिस्थिती, तीव्र पाणटंचाई, जनावरांच्या चाऱ्याचा प्रश्न, शेतकरी, शेतमजूर, व्यापारी, विद्यार्थी, सामान्य जनता यांना या बिकट परस्थिती मधून बाहेर काढावे अशी प्रार्थना करण्यात आली. यावेळी सरपंच शितल पाटील यांनी जागतिक महिला दिनानिमित्त सर्व महिलांना शुभेच्छा दिल्या.
