लोहारा पंचायत समिती सभागृहात तालुकास्तरीय जनसुनावणी संपन्न

लोहारा येथील पंचायत समिती सभागृहात गुरुवारी (दि.२३) महात्मा गांधी राष्ट्रीय ग्रामीण रोजगार हमी योजना व प्रधानमंत्री आवास योजना ग्रामीणची तालुकास्तरीय जनसुनावणी घेण्यात आली.
सामाजिक अंकेक्षण प्रक्रियेच्या उपस्थित मुद्यावर आधारित ही जनसुनावणी घेण्यात आली. यावेळी जिल्हा तक्रार निवारण प्राधिकारी म्हणून कुंडलिक गवते तर सामाजिक संस्था प्रतिनिधी म्हणून शिल्पा वलदोडे, मजूर प्रतिनिधी मोहन भिसे, पत्रकार अब्बास शेख, सुमित झिंगाडे उपस्थित होते. महाराष्ट्र राज्य सामाजिक अंकेक्षण सोसायटी मुंबईचे जिल्हा साधन व्यक्ती सुशील थोरात यांनी मुद्याचे वाचन केले. तर जनसुनावणीत एकूण १३४ मुद्दे उपस्थित करण्यात आले. याप्रसंगी अनेक प्रकरण निकाली काढण्यात आले. यावेळी सहाय्यक गटविकास अधिकारी जे. टी. वग्गे, नायब तहसीदार नानासाहेब मोरे, सहाय्यक कार्यक्रम अधिकारी श्रीकांत थोरात, राठोड, ग्राम पंचायत अधिकारी, ग्रामरोजगार सहाय्यक व संबंधित कर्मचारी उपस्थित होते.