तोंडावर काळी फित बांधून आंदोलन करत केला सरकारचा निषेध

राज्यात सध्या घडत असलेल्या बाल लैंगिक अत्याचाराच्या प्रकरणाबद्दल सरकारचा निषेध करण्यासाठी लोहारा शहरातील छत्रपती शिवाजी महाराज चौकामध्ये शिवसेना उद्धव बाळासाहेब ठाकरे पक्षाच्या वतीने तोंडावर काळी फीत बांधून व हातात निषेधात्मक काळा झेंडा घेऊन सरकारच्या विरोधात निषेध व्यक्त करून शनिवारी (दि.२४) आंदोलन करण्यात आले.
राज्यात सध्या घडत असलेल्या बाल लैंगिक अत्याचाराच्या प्रकरणाबद्दल सरकारचा निषेध नोंदविण्यासाठी महाविकास आघाडीच्या नेत्यांनी निषेध आंदोलन करण्याचे आवाहन केले होते. त्यानुसार शनिवारी (दि.२४) शहरातील छत्रपती शिवाजी महाराज चौकामध्ये दुपारी बारा वाजण्याच्या सुमारास शिवसेना उद्धव बाळासाहेब ठाकरे पक्षाच्या वतीने तोंडावर काळी फीत बांधून व हातात निषेधात्मक काळा झेंडा घेऊन सरकारच्या विरोधात निषेध व्यक्त करून शनिवारी (दि.२४) ठिय्या आंदोलन करण्यात आले. जमावबंदी आदेश लागू असल्याने आम्ही चौघांनी हे आंदोलन केल्याचे शिवसेना उद्धव बाळासाहेब ठाकरे पक्षाचे तालुकाप्रमुख अमोल बिराजदार यांनी सांगितले. या आंदोलनात तालुकाप्रमुख अमोल बिराजदार, सलीम शेख, महेबूब गवंडी, विलास भंडारे सहभागी झाले होते. यावेळी कोणताही अनुचित प्रकार घडू नये यासाठी पोलीस निरीक्षक अजित चिंतले यांच्यासह पोलीस अधिकारी व कर्मचारी उपस्थित होते.