मुलाच्या वाढदिवसानिमित्त अनावश्यक खर्च न करता विद्यार्थ्यांना पाण्याच्या बॉटल वाटप करण्यात आले. तालुक्यातील भोसगा येथील जिल्हा परिषद शाळेत हा स्तुत्य उपक्रम राबविण्यात आला.
वाढदिवसानिमित्त अनावश्यक खर्च न करता शाळेतील मुलांना शाळेत पाणी पिता यावे. यामुळे विद्यार्थी शाळेत टिकून रहावे, विद्यार्थ्यांची उपस्थिती वाढावी हा प्रामाणिक उद्देश ठेवून तालुक्यातील भोसगा येथील ग्रामपंचायत सदस्य आप्पाराव पाटील यांनी ईश्वर पाटील या त्यांच्या मुलाच्या वाढदिवसानिमित्त जिल्हा परिषद प्राथमिक शाळा भोसगा शाळेत सर्व मुलांना पाण्याचे बॉटल देऊन वाढदिवस साजरा केला. मागील वर्षी देखील पावसामुळे मुले शाळा बुडवू नये म्हणून सर्व विद्यार्थ्यांना छत्रीचे वाटप केले होते. या दानशूर व्यक्तीमत्वाचे सर्वत्र कौतुक होत आहे. या कार्यक्रमानिमित्त सरपंच व्यंकट कागे, केंद्र प्रमुख एम. एम. डोखले, शाळा व्यवस्थापन समिती अध्यक्ष दत्ता बिराजदार, सदस्य अप्पाराव पाटील, जिलानी शहा, ग्रामपंचायत अधिकारी बनशेट्टी साहेब, ग्रामसेवक गंगाधर इंगळे, चंद्रकांत मानाळे, सोमनाथ वडगावे, धनराज टेंगळे, धोंडुगीर गोसावी, भिमाशंकर बिराजदार, सुनील घोडके, मल्लीनाथ वडगावे आदी ग्रामस्थ उपस्थित होते. या कार्यक्रमाचे सूत्रसंचालन पदवीधर शिक्षक एस.के. चिनगुंडे यांनी तर मुख्याध्यापक एम.एम. डोखले यांनी आभार मानले.
