वार्तादूत – डिजिटल न्युज नेटवर्क
लोहारा तालुक्यातील एकोंडी (लो) येथे प्रजासत्ताक दिन उत्साहात साजरा करण्यात आला. यावेळी शाळेतील विद्यार्थ्यांनी लेझीम नृत्य, देशभक्तीपर गीतांवर नृत्य सादर करून उपस्थितांची मने जिंकली.
या कार्यक्रमाच्या अध्यक्षस्थानी शाळा व्यवस्थापन समितीचे अध्यक्ष वैजिनाथ लाळे हे होते. यावेळी सरपंच आशाताई मुळे, पोलीस पाटील भाऊसाहेब पाटील, उपसरपंच विकास पाटील, ग्रामसेवक महादेव जगताप, बाबा सूर्यवंशी, मुकुंद जाधव, तंटामुक्ती समितीचे अध्यक्ष प्रदीप जाधव, दिवाकर पाटील, अजित पाटील, वि.का.सोसायटी चेअरमन श्री. पाटील, शाळा व्यवस्थापन समितीचे सर्व सदस्य, अंगणवाडी, आशा कार्यकर्ती, महिला तसेच शिक्षण प्रेमी नागरिक उपस्थित होते.
यावेळी अनेक विद्यार्थ्यांनी भाषणे केली. विद्यार्थ्यांनी वेगवेगळ्या देशभक्ती गीतावर नृत्य, लेझीम नृत्य, कवायत,मनोरे अतिशय चांगल्या प्रकारे सादर केले. तसेच प्रजासत्ताक दिनानिमित्त घेण्यात आलेल्या विविध स्पर्धांमध्ये प्रथम, द्वितीय, तृतीय क्रमांकाच्या विद्यार्थ्यांना मान्यवरांच्या हस्ते बक्षीस वाटप करण्यात आले. विद्यार्थ्यांना खाऊ वाटप करण्यात आले. कार्यक्रमाचे प्रास्ताविक शाळेचे मुख्याध्यापक श्री. तपसाळे यांनी केले. सूत्रसंचालन पंडित राठोड यांनी केले. कार्यक्रमाच्या यशस्वीतेसाठी शिक्षक श्री बिराजदार, श्री. सुतार, श्री. तपसाळे, श्री. राठोड यांनी विशेष परिश्रम घेतले.
