येळी येथे बस व ट्रकचा अपघात; ४ जण जखमी

वार्तादूत – डिजिटल न्युज नेटवर्क
मुंबई हैद्राबाद हायवेवर बस व ट्रकचा अपघात होऊन चार जण जखमी झाल्याची घटना घडली आहे. उमरगा तालुक्यातील येळी येथे सोमवारी (दि.३०) रात्री ७ च्या सुमारास हा अपघात झाला आहे.
याबाबत मिळालेली सविस्तर माहिती अशी की, सोमवारी (दि.३०) रात्री ७ च्या सुमारास सोलापूर हुन उमरग्याकडे येणाऱ्या ट्रकला ( MH13AX 3588) पाठीमागून येणाऱ्या बसची ( MH13 9356) जोराची धडक बसली. या अपघातात चार जण जखमी झाले आहेत. आंबुबाई विठ्ठल गायकवाड वय 60 वर्ष राहणार गुंजोटी, सुरेखा अमोल जाधव वय 30 वर्ष राहणार उमरगा, शांताबाई अशोक सजगुरे वय 65 राहणार येळी, अर्जुन गणपत मोरे वय 42 राहणार जळकोट अशी जखमींची नावे आहेत. सदर अपघाताची माहिती मिळताच उमरगा चौरस्ता येथे आहोरात्र आपघातग्रस्ताच्या मदतीला मोफत असलेली जगदगुरु नरेद्राचार्य महाराज संस्थान नाणिजधाम ची रुग्णवाहिका तातडीने घटनास्थळी दाखल होऊन जखमीना विश्वेकर हॉस्पिटल उमरगा येथे दाखल केले.