मराठा समाजातील युवकांनी सीएसएमएस पदविका प्रशिक्षणाचा लाभ घ्यावा – मारुती लोहार

वार्तादूत – डिजिटल न्युज नेटवर्क – लोहारा / सुमित झिंगाडे
लोहारा शहरातील फिनिक्स कॉम्प्युटर एज्युकेशनमध्ये मराठा-कुणबी समाजातील युवक-युवतींना सीएसएमएस- डीईईपी\’ हा अभ्यासक्रम मोफत शिकविला जाणार आहे. तसेच विद्यार्थ्यांना रोजगाराभिमुख प्रशिक्षण मिळण्यासाठी \’सारथी\’ व \’एमकेसीएल\’ यांच्या माध्यमातून हा उपक्रम राबविला जात आहे. या अभ्यासक्रमासाठीची नोंदणी १६ जानेवारीपासून सुरू झाली असून जास्तीत जास्त विद्यार्थ्यांनी याचा लाभ घ्यावा असे आवाहन एमकेसीएलचे जिल्हा समन्वयक धनंजय जेवळीकर व फिनिक्स काँम्प्युटर लोहाराचे संचालक मारूती लोहार यांनी केले आहे.

या अभ्यासक्रमासाठी प्रवेश अभ्यासक्रम मोफत आहे. उमेदवाराचे वय १८ ते ४५ इतके असले पाहिजे. तसेच संबंधित विद्यार्थी दहावी उत्तीर्ण असणे आवश्यक आहे. त्याचप्रमाणे पालकांचे वार्षिक उत्पन्न ८ लाखांपेक्षा कमी असावे. तसेच प्रवेशासाठी महाराष्ट्रातील रहिवासी दाखला आवश्यक आहे. छत्रपती शाहू महाराज संशोधन, प्रशिक्षण व मानव विकास संस्था (सारथी) व महाराष्ट्र ज्ञान मंडळ (एमकेसीएल) यांच्याद्वारे हा अभ्यासक्रम महाराष्ट्रभर राबविण्यात येत आहे. मराठा, कुणबी, कुणबी- मराठा आणि मराठा-कुणबी समाजातील युवक युवतींसाठी हा सहा महिन्यांचा हा अभ्यासक्रम असून १० हजार युवक-युवतींना मोफत प्रशिक्षण देण्यात येणार आहे. हे प्रशिक्षण एमकेसीएलच्या अधिकृत केंद्रामार्फत दिले जाईल. ऑनलाइन नोंदणी झालेल्या उमेदवारांची छाननी होऊन ती संकेतस्थळावर प्रसिद्ध होणार आहे. १६ जानेवारीपासून नोंदणी सुरू झाली आहे. तरी या योजनेचा लोहारा शहरासह तालुक्यातील युवकांनी लाभ घ्यावा असे आवाहन करण्यात आले आहे.