डॉ. संजय कांबळे व डॉ. सुधीर पंचगल्ले यांचा बसवराज पाटील यांच्या हस्ते सत्कार

उस्मानाबाद / सुमित झिंगाडे
उमरगा तालुक्यातील मुरूम येथील श्री विठ्ठलसाई सहकारी साखर कारखान्याच्या सभागृहात महाराष्ट्र प्रदेश काँग्रेस कमिटीचे कार्याध्यक्ष बसवराज पाटील यांच्या हस्ते बुधवारी (दि. १४) नुकत्याच डॉ. बाबासाहेब आंबेडकर मराठवाडा विद्यापीठ प्राधिकरणाच्या निवडणुकीत बामुक्टो प्राध्यापक संघटनेचे जिल्हाध्यक्ष प्रा. डॉ. संजय कांबळे यांची अधिसभा (सिनेट) सदस्य पदी निवडून आल्याबद्दल व प्रा. डॉ. सुधीर पंचगल्ले यांची बिझनेस अँडमिनिस्ट्रेशन अँड मर्कंटाईल लॉ या विषयाच्या अभ्यास मंडळाच्या सदस्य पदी निवड झाल्याबद्दल या दोघांचा यथोचित सत्कार करण्यात आला. यावेळी प्रा. डॉ. शौकत पटेल उपस्थित होते.