वार्तादूत – डिजिटल न्युज नेटवर्क
पार्वती मल्टिस्टेट को. ऑपरेटिव्ह सोसायटी लि. दाळींब शाखेचा तिसरा वर्धापनदिन विविध समाजोपयोगी कार्यक्रमांनी मोठ्या उत्साहात साजरा करण्यात आला.
या कार्यक्रमाच्या अध्यक्षस्थानी सुरेश वाले हे होते. यावेळी राष्ट्रवादी काँग्रेस पार्टीचे जिल्हाध्यक्ष प्रा. सुरेश बिराजदार, जिल्हा परिषदेचे विरोधी पक्षनेते शरण पाटील, काँग्रेसचे प्रदेश सचिव दिलीप भालेराव, पार्वती मल्टिस्टेटचे संस्थापक तथा उद्योजक आबासाहेब साळुंके, सचिव राजू गोसावी, राष्ट्रवादी काँग्रेस पार्टीचे लोहारा तालुकाध्यक्ष सुनील साळुंके, मल्टिस्टेटचे संचालक कल्लेश्वर जाधव, राजेंद्र जाधव आदींची प्रमुख उपस्थिती होती. यावेळी पार्वती मल्टिस्टेट को. ऑपरेटिव्ह सोसायटीच्या दाळींब शाखेचा तिसरा वर्धापनदिना निमित्त मान्यवरांच्या हस्ते वृक्षारोपण करण्यात आले. त्यानंतर आदर्श शिक्षक पुरस्कार शाहुराज हुलगे, आदर्श माता पुरस्कार अनुसयाबाई गुंड, समाजरत्न पुरस्कार बाबा जाफरी, प्रगतशील शेतकरी म्हणून वैजीनाथ पावडशेट्टी यांना मान्यवरांच्या हस्ते प्रमाणपत्र देऊन पुरस्काराने सन्मान करण्यात आला. तसेच गौरी लक्ष्मी सजावट स्पर्धेत यश संपादन केलेल्या महिलांनाही यावेळी बक्षीस वितरण करण्यात आले.
या कार्यक्रमाचे सूत्रसंचालन बसवराज सारणे यांनी केले. तर आभार राजू गोसावी यांनी मानले. कार्यक्रम यशस्वीतेसाठी पार्वती मल्टिस्टेटचे रिजनल मॅनेजर बालाजी मारेकर, प्रताप घोडके, भागवत पाटील, मनोज देशपांडे, शाखाधिकारी युवराज गायकवाड, महादेव घंटे, भाग्यश्री मोरे, पांडुरंग पाटील, सोमशंकर नवटक्के यांच्यासह बँकेचे सर्व सल्लागार व संचालक, ग्राहक, हितचिंतक व ग्रामस्थ उपस्थित होते.
