वार्तादूत – डिजिटल न्युज नेटवर्क
महाराष्ट्र पोलीस दलातील कॉन्स्टेबल पदाची रिक्त पदे भरण्यासाठी पोलीस महासंचालक कार्यालय, महाराष्ट्र राज्य, मुंबई यांच्यातर्फे दि. 6 नोव्हेंबर रोजी जाहिरात प्रसिध्द करण्यात आली असून आवेदनपत्र स्विकारण्याची अंतिम मुदत दि. 30 नोव्हेंबर निश्चित करण्यात आली होती. आवेदनपत्र भरण्यात उमेदवारांना होत असलेल्या तांत्रिक अडचनींचे निराकरण व्हावे तसेच अधिकाधीक उमेदवारांना भरती प्रक्रीयेत सहभागी होता यावे या उद्देशाने आवेदनपत्रे दाखल करण्याची अंतिम मुदत दि. 15 डिसेंबर पर्यंत वाढवण्यात आली असल्याचे गृहविभाग, महाराष्ट्र शासन यांच्याकडून जाहिर करण्यात आले आहे. पोलीस भरती प्रक्रियेत सहभागी होऊ इच्छिणाऱ्या उमेदवारांनी याची नोंद घ्यावी असे आवाहन पोलीस अधीक्षक अतुल कुलकर्णी यांनी केले आहे.
