वार्तादूत – डिजिटल न्यूज नेटवर्क
उमरगा तालुक्यातील मुरूम शहरातील छत्रपती शिवाजी महाराज चौक येथे रविवारी (दि. ६) छत्रपती शिवाजी महाराजांचा राज्याभिषेक दिन उत्साहात साजरा करण्यात आला. मराठा सेवा संघाच्या वतीने हा कार्यक्रम आयोजित केला होता. यावेळी शहरातील योगेश जगताप, प्रा. दत्ता इंगळे, भीमराव फुगटे, प्रा. डॉ. दत्तात्रय मुरुमकर यांच्या हस्ते छत्रपती शिवरायांच्या राज्याभिषेक प्रतिमेस पुष्पहार घालून महापुरुषांच्या घोषणा देत अभिवादन करण्यात आले. यावेळी बोलताना मुंबई विद्यापीठाचे प्रा. डॉ. दत्तात्रय मुरूमकर म्हणाले की, आस्मानी सुलतानी संकटांना पेलून बारा आघाड्यावर लढत बलाढ्य अशा मोगलाईला मातीमोल करून सर्वसामान्य पिचलेल्या उपेक्षितांना सोबत घेऊन भूमिपुत्रांच्या हक्काचे साम्राज्य उभे करुन धर्माच्या नावावर अनेकांना भीती घालणाऱ्या वैदिक व्यवस्थेला धक्का देऊन सकल मराठीजणांचे स्वराज्य उभे करणाऱ्या छत्रपती शिवरायांचा राज्याभिषेक सोहळा राष्ट्रमाता जिजाऊ आऊसाहेबांच्या देखरेखीखाली व शिवपुत्र शंभूराजांच्या नियोजनबद्धतेने संपन्न झाला. तो अशा राजाचा राज्याभिषेक दिन आजही उत्साहात साजरा केला जातो हे गौरवास्पद आहे. यावेळी प्रा. दत्ता इंगळे यांनीही मनोगत व्यक्त केले. प्रास्ताविक किरण गायकवाड यांनी तर सूत्रसंचालन मोहन जाधव यांनी केले.
यावेळी विठ्ठल पाटील, संजय सावंत, गणेश जाधव, विष्णु चव्हाण, आकाश शिंदे, किशोर गायकवाड, आनंद कांबळे, सचिन शिंदे, भालचंद्र शिंदे, विशाल व्हणाळे, महेश शिंदे, प्रल्हाद माने, गणेश शिंदे, संभाजी शिंदे, अक्षय शिंदे, आबा शिंदे, वैभव शिंदे, विकी शिंदे, सागर धुमुरे, बंडू ब्याळे, विशाल जगदाळे, रतन मुडे, प्रशांत शिंदे, अमर भालेराव, दिनेश माने, प्रवीण चौधरी यांच्यासह अनेक युवक उपस्थित होते.
