मुरूम शहरातील भीमनगर येथील स्मशानभूमीची तात्काळ दुरुस्ती करावी – राष्ट्रवादी युवक काँग्रेसच्या वतीने निवेदन

उमरगा / प्रतिनिधी

महाराष्ट्रासह देशात ऑक्टोंबर महिन्यात झालेल्या अतिवृष्टीच्या पावसात मुरूम शहरात आलेल्या पुरामुळे भीमनगर येथील बौद्ध स्मशानभूमीची अत्यंत बिकट अवस्था झालेली आहे. त्यामुळे भीमनगर येथील मयत झालेल्या लोकांची चिता स्मशानभूमीच्या बाहेर पेटवावी लागत आहे. यामुळे त्या मृत व्यक्तीचे अपमान केल्यासारखे होते म्हणून नगरपालिका प्रशासनाने स्मशानभूमीची तात्काळ पाहणी करून त्याची लवकरच डागडुजी करून ते पूर्वावस्थेत करून द्यावी व समस्यांचे निराकरण करावे या आशयाचे निवेदन राष्ट्रवादी युवक काँग्रेसच्या वतीने बुधवारी ( दि.२३) मुरूम नगरपालिकेच्या मुख्याधिकारी प्रतिनिधींना देण्यात आले.
यावेळी राष्ट्रवादी युवक काँग्रेसचे जिल्हा उपाध्यक्ष मोहन जाधव, मुरूम शहराध्यक्ष बाबा कुरेशी, कार्याध्यक्ष ज्योतिबा शिंदे, गणेश जगदाळे, प्रशांत काजळे, विद्यार्थी शहराध्यक्ष सागर बिराजदार, सोशल मीडिया शहराध्यक्ष व्यंकट खंडागळे यांच्यासह अनेक पदाधिकारी उपस्थित होते.