राज्यस्तरीय आईस हॉकी स्पर्धेतील विजेत्यांचा राष्ट्रवादी काँग्रेसच्या वतीने सत्कार – जिल्हाध्यक्ष प्रा. सुरेश बिराजदार यांनी केला खेळाडु, प्रशिक्षकांचा सत्कार

वार्तादूत – डिजिटल न्युज नेटवर्क
केरळ राज्यातील कोची शहरात ९ व्या राज्यस्तरीय आईस हॉकी स्पर्धेत उस्मानाबाद जिल्ह्यातील पाच खेळाडूंनी यश संपादन करत उस्मानाबाद जिल्ह्याला मानाचे स्थान प्राप्त करून दिले आहे.याबद्दल भाऊसाहेब बिराजदार बँक येथे राष्ट्रवादी काँग्रेस पक्षाचे जिल्हाध्यक्ष प्रा .सुरेश दाजी बिराजदार यांच्या हस्ते खेळाडूंचा सत्कार करण्यात आला. उत्कृष्ट कामगिरी करत जुनियर संघात उमरगा तालुक्यातील ओम राठोड व गणेश गालीपील्ली यांनी गोल्ड मेडल व सिनियर संघात साई राठोड यांनी सिल्व्हर मिडल पटकावले. त्याच वेळी लदाख येथे होणाऱ्या राष्ट्रीय आईस हाॅकि स्पर्धेसाठी महिला सिनिअर संघातील रोहिणी बनसोडे व अतनूरे शिवनंदा यांच्यासह उस्मानाबाद जिल्हा आईस हॉकी संघाचे सहसचिव प्रताप राठोड यांचा सत्कार करण्यात आला.
यावेळी उमरगा तालुका राष्ट्रवादी काँग्रेस पक्षाचे तालुकाध्यक्ष संजय पवार, कार्याध्यक्ष कुमार थिटे, डॉक्टर सेलचे शहराध्यक्ष डॉ. फरीद अत्तार यांच्यासह पदाधिकारी पालक उपस्थित होते.