राष्ट्रवादी विद्यार्थी काँग्रेसच्या जिल्हा सचिव पदी ऋषिकेश कदम यांची निवड

वार्तादूत – डिजिटल न्युज नेटवर्क
उस्मानाबाद जिल्हा राष्ट्रवादी विद्यार्थी काँग्रेसच्या जिल्हा सचिवपदी लोहारा तालुक्यातील कानेगाव येथे ऋषिकेश कदम यांची निवड करण्यात आली आहे. विद्यार्थी काँग्रेसचे जिल्हाध्यक्ष दुर्गेश साळुंके यांनी त्यांना उस्मानाबाद येथे नियुक्तीपत्र दिले आहे.
ऋषिकेश कदम यांना दिलेल्या या नियुक्तीपत्रात म्हणले आहे की, प्रदेशाध्यक्ष जयंत पाटील साहेब, उपमुख्यमंत्री अजित दादा पवार, खासदार सुप्रियाताई सुळे, विद्यार्थी काँग्रेसचे प्रदेशाध्यक्ष सुनील गव्हाणे यांच्या मान्यतेने आपली राष्ट्रवादी विद्यार्थी काँग्रेसच्या उस्मानाबाद जिल्हा सचिवपदी नियुक्ती करण्यात येत आहे. पक्ष बळकटीसाठी तसेच पक्षाची ध्येय धोरणे आणि देशाचे नेते आदरणीय खा. शरदचंद्रजी पवार साहेब यांचे विचार सर्वसामान्यांपर्यंत पोहचविण्यासाठी आपण कार्यरत राहावे अशी अपेक्षा करण्यात आली आहे.

उस्मानाबाद येथे राष्ट्रवादी काँग्रेसच्या कार्यालयात मंगळवारी (दि. २२) नियुक्तीपत्र देण्यात आले. यावेळी विद्यार्थी काँग्रेसचे जिल्हाध्यक्ष दुर्गेश साळुंके, युवकचे जिल्हाध्यक्ष आदित्य गोरे, उस्मानाबाद शहर कार्याध्यक्ष सचिन तावडे, लतीफ पटेल आदी मान्यवरांच्या उपस्थितीत ऋषिकेश कदम यांना हे नियुक्तीपत्र देण्यात आले.