वार्तादूत – डिजिटल न्युज नेटवर्क
१८ वर्षाच्या पुढील दिव्यांगासह वयोवृद्ध दिव्यांगांना तात्काळ लसीकरण करण्यात यावे अशी मागणी राष्ट्रवादी काँग्रेस दिव्यांग सेलचे तालुकाध्यक्ष लक्ष्मण बिराजदार यांनी लोहारा तहसीलदार यांच्याकडे निवेदनाद्वारे केली आहे.
या निवेदनात म्हटले आहे की, लोहारा तालुक्यातील दिव्यांगांना लसीकरणासाठी उपाययोजना करणे संदर्भात अनेक अडचणी येत आहेत. ग्रामीण भागातील काही दिव्यांग
असे आहेत ज्यांना घराच्या बाहेर येता येत नाही, चालता फिरता येत नाही असे अतितीव्र दिव्यांगांना घराबाहेर येता येत नसल्यामुळे त्यांना लसीकरण केंद्रावर वर जाणे शक्य नाही. त्यासाठी तालुक्यातील प्रत्येक सर्कल वाईज एक पथक नेमण्यात यावे व घरपोच लस देण्याचे नियोजन करण्यात यावे. या सर्व बाबीचा विचार करून तात्काळ संबंधित विभागाला आदेश देऊन दिव्यांगाचे लसीकरण चालू करावे अशी मागणी लक्ष्मण बिराजदार यांनी या निवेदनात केली आहे. या निवेदनावर तालुकाध्यक्ष लक्ष्मण बिराजदार, आदम शेख, बाजीराव पाटील, आप्पासाहेब उपरे, श्रीमंत गरड यांच्या स्वाक्षरी आहेत.