वार्तादूत – डिजिटल न्युज नेटवर्क
लोहारा तालुक्यातील माकणी प्राथमिक आरोग्य केंद्र अंतर्गत येणारे सालेगाव आरोग्य वर्धिनी केंद्र (उपकेंद्र) येथील १८ वर्षांवरील सर्व पात्र लाभार्थींना कोविड लसीचा पहिला डोस देण्याचे उद्दिष्ट पूर्ण करण्यात आले. त्यामुळे सालेगाव उपकेंद्र १०० टक्के पात्र नागरिकांना कोविड लसीचा पहिला डोस देणारे तालुक्यातील पहिले आरोग्य वर्धिनी केंद्र ठरले आहे.
लोहारा तालुक्यातील सालेगाव आरोग्य वर्धिनी केंद्र अंतर्गत
दक्षिण सालेगाव, उत्तर सालेगाव या दोन गावांचा समावेश होतो. येथील एकूण १८ वर्षांवरील नागरिकांची संख्या २३५७ असून सर्व पात्र लाभार्थींना लसीकरण करण्यात आले. सालेगाव आरोग्य वर्धिनी केंद्रातील आरोग्य विभागातील टीम सदस्य समुदाय आरोग्य अधिकारी डॉ. संदीप बनसोडे, आरोग्य सेविका कोमल भालेराव, आरोग्य सहाय्यक विजयकुमार हळीखेडकर, आरोग्य सेवक गणेश लुल्ले, अर्धवेळ परिचर मंगल कांबळे, आशा स्वयंसेविका लतिका साळुंके, स्मिता भालेराव यांनी मिशन कवच कुंडल तरच हर घर दस्तक अंतर्गत नियमित सत्र तसेच मोबाईल टीमद्वारे नागरिकांचे लसीकरण पूर्ण केले. सालेगाव येथील सरपंच नारायण गुरव, ग्रामसेवक एन. बी. भोरे, पोलिस पाटील बालाजी मातोळे, पाणीपुरवठा विभागातील कर्मचारी बबन बाबर तसेच ग्रामपंचायत मधील डाटा एन्ट्री ऑपरेटर अमोल कांबळे यांनी घरोघरी आरोग्य टीम सोबत फिरून लोकांना लस घेण्यासाठी प्रवृत्त केले.
प्राथमिक आरोग्य केंद्र, माकणी येथील वैद्यकिय अधिकारी डॉ. रोहिणी महादवाड, डॉ. प्रगती शिंदे यांनी मोबाईल टीम उपलब्ध करून देत क्षेत्रीय स्तरावर काम करणाऱ्या टीमला प्रोत्साहन दिले. तसेच स्पर्श ग्रामीण रुग्णालय येथील प्रकल्प अधिकारी रमाकांत जोशी यांनी त्यांची मोबाईल टीम पाठवून जनजागृती तसेच लसीकरण करत मोलाचा वाटा उचलला. याबरोबरच हॅलो मेडिकल फाऊंडेशन, एनएसई फाऊंडेशन या स्वयंसेवी संस्थांनीही लसीकरणाबाबत जनजागृती केली.
———-
लस घेणे आवश्यक आहे. त्यामुळे सर्वांच्या लसीकरणासाठी सर्वांचा सहभाग आवश्यक आहे.
डॉ. अशोक कटारे,
तालुका आरोग्य अधिकारी लोहारा
