लोहारा तालुक्यात नवीन ७८ रुग्णांची भर – दिवसेंदिवस रुग्णसंख्या वाढत असल्याने काळजी घेणे आवश्यक

वार्तादूत – डिजिटल न्युज नेटवर्क
लोहारा तालुक्यातील कोरोना रुग्णांची संख्या दिवसेंदिवस वाढतच चालली आहे. शुक्रवारी ( दि. ७) प्राप्त अहवालानुसार तालुक्यात रॅपिड अँटीजन टेस्ट मध्ये ४४ तर आरटीपीसीआर चाचणीमध्ये ३४ असे एकूण ७८ जण पॉझिटिव्ह आले आहेत.
लोहारा तालुक्यात मागील काही महिन्यांपूर्वी कोरोनाचे तुरळक रुग्ण आढळून येत होते. परंतु मार्च महिन्यापासून कोरोना रुग्णांची संख्या दिवसेंदिवस वाढतच चालली आहे. शुक्रवारी ( दि. ७) प्राप्त अहवालानुसार तालुक्यात एकूण ७८ रुग्णांची भर पडली आहे.
त्यात रॅपिड अँटीजन टेस्ट मध्ये तालुक्यातील नागूर २, कानेगाव ३, माकणी ५, भातागळी ४, खेड २, कास्ती बू. २, हिप्परगा (सय्यद) १, सालेगाव १३, जेवळी १, मार्डी १, कास्ती खु. २, बेंडकाळ २, धानुरी १, वडगाववाडी ३, कोंडजीगड १, उदतपूर १ असे एकूण ४४ जण पॉझिटिव्ह आले आहेत. तर आरटीपीसीआर चाचणीमध्ये लोहारा ११, हिप्परगा १, उंडरगाव १, खेड ४, माळेगाव ३, हराळी १, जेवळी १, आष्टाकासार ५, धानुरी २, हिप्परगा (सय्यद) १, माकणी ३, सास्तूर १ असे एकूण ३४ जण पॉझिटिव्ह आले आहेत. एकूणच परिस्थिती दिवसेंदिवस गंभीर होत चालली आहे. त्यामुळे नागरिकांनी लसीकरण करून घेणे, स्वतःची व आपल्या कुटुंबाची योग्य ती काळजी घेणे, अनावश्यक घराबाहेर न पडणे, प्रशासनाने सांगितलेल्या नियमांचे पालन करणे आवश्यक आहे. लोहारा तालुक्यात सद्यस्थितीत शहरात ७८ तर ग्रामीण भागात ४७२ असे एकूण ५५० ऍक्टिव्ह रुग्ण आहेत.