लोहारा येथे दोन दिवसीय बालविवाह प्रतिबंध कार्यशाळा संपन्न

वार्तादूत – डिजिटल न्युज नेटवर्क
लोहारा येथील भानुदासराव चव्हाण महाविद्यालयात दि. ६ व ७ जानेवारी या दोन दिवशी बालविवाह प्रतिबंध कार्यशाळा संपन्न झाली. याप्रसंगी लोहारा तालुक्याच्या गटशिक्षण अधिकारी टी.एच. सय्यदा, शिक्षण विस्तार अधिकारी भास्कर बेशकराव, केंद्रप्रमुख मोहन शेवाळे, साधन व्यक्ती अनंत लहाने, विषय तज्ञ खिजर मोरवे, महानंदा चव्हाण, उप प्राचार्य यशवंत चंदनशिवे, शहाजी जाधव, सुधीर घोडके यांच्यासह लोहारा केंद्रातून एकूण ११० शिक्षक प्रशिक्षणार्थी उपस्थित होते. याप्रसंगी बालाजी मक्तेदार, परमेश्वर सूर्यवंशी, सुरेखा महाजन, स्नेहा भंडारे, वर्षा चौधरी यांनी बालविवाह याविषयी सुंदर नाटिका सादर करून समाजात बालविवाह प्रतिबंध होऊ नयेत यासाठी जनजागृती केली. या कार्यक्रमाचे सूत्रसंचालन अनंत लहाने यांनी तर मोहन शेवाळे यांनी आभार मानले.