लोहारा प्रतिनिधी –
उमरगा लोहाऱ्याचे आमदार ज्ञानराज चौगुले व युवानेते किरण गायकवाड यांच्या वाढदिवसानिमित्त लोहारा येथील कोब्रा बहुद्देशीय सामाजिक प्रतिष्ठान आयोजित लोहारा चषक डायरेक्ट (ढकली) व्हॉलीबॉल स्पर्धेचे उद्घाटन आमदार ज्ञानराज चौगुले व युवानेते किरण गायकवाड यांच्या हस्ते शनिवारी (दि.२) सायंकाळी संपन्न झाले.
लोहारा शहरातील हायस्कुल लोहारा शाळेच्या मैदानावर ही स्पर्धा होत आहे. उमरगा लोहाऱ्याचे आमदार ज्ञानराज चौगुले व युवानेते किरण गायकवाड यांच्या वाढदिवसानिमित्त आयोजित या स्पर्धेसाठी प्रथम पारितोषिक रु. २१ हजार व चषक, द्वितीय पारितोषिक रु. १५ हजार व चषक, तृतीय पारितोषिक रु. ११ हजार व चषक, चतुर्थ पारितोषिक रु. ७ हजार व चषक, पाचवे पारितोषिक रु. ५ हजार व चषक, सहावे पारितोषिक रु. ४ हजार व चषक, सातवे पारितोषिक रु. ३ हजार व चषक, आठवे पारितोषिक रु. २ हजार व चषक, नववे पारितोषिक रु. १ हजार व चषक यासह विविध वैयक्तिक पारितोषिके ठेवण्यात आली आहेत. उद्घाटन कार्यक्रमासाठी उपनगराध्यक्ष प्रताप घोडके, नगरसेवक अभिमान खराडे, शाम नारायणकर, युवासेना तालुकाप्रमुख अमोल बिराजदार, ज्ञानेश्वर सूर्यवंशी, प्रदीप मदने, शिवसेना शहरप्रमुख सलीम शेख, श्रीकांत भरारे, नामदेव लोभे, कोब्रा बहुद्देशीय सामाजिक प्रतिष्ठानचे अध्यक्ष दत्ता निर्मळे यांची प्रमुख उपस्थिती होती. या स्पर्धेत जवळपास ६० संघांनी सहभाग घेतला आहे. कार्यक्रमाचे सूत्रसंचालन भीमाशंकर डोकडे यांनी केले. स्पर्धा पाहण्यासाठी शहर व परिसरातील व्हॉलीबॉल प्रेमींनी मोठी गर्दी केली होती.
