वार्तादूत – डिजिटल न्युज नेटवर्क
उमरगा येथील भाऊसाहेब बिराजदार अर्बन को-ऑपरेटिव्ह बँकेस २५ वर्षे पूर्ण झाली आहेत. त्यानिमित्त रौप्य महोत्सवी सोहळ्याचे आयोजन करण्यात आले आहे. तसेच बँकेच्या स्वमालकीच्या भव्य नूतन इमारतीचे उद्घाटन विधानसभा विरोधी पक्षनेते अजितदादा पवार यांच्या हस्ते होणार आहे. उमरगा येथे शनिवारी (दि.१ ऑक्टोबर) या सोहळ्याचे आयोजन करण्यात आले आहे.
या कार्यक्रमाच्या अध्यक्षस्थानी आ. सतीश चव्हाण हे राहणार आहेत. यावेळी माजी राज्यमंत्री आ. संजय बनसोडे, मराठवाडा शिक्षक मतदारसंघाचे आ. विक्रम काळे, माजी आमदार राहुल मोटे, परिवहन महामंडळाचे माजी अध्यक्ष जीवनराव गोरे यांची प्रमुख उपस्थिती राहणार आहे. उमरगा येथील बँकेच्या समोर शनिवारी (दि.१ऑक्टोबर) हा कार्यक्रम होणार आहे. या कार्यक्रमासाठी मोठ्या संख्येने उपस्थित राहावे असे आवाहन बँकेचे चेअरमन सुरेशदाजी बिराजदार, संचालक सुनील माने, विजयकुमार सोनवणे, गोविंदराव साळुंके, मल्लिनाथ मलंग, साहेबराव पाटील, व्यंकटराव सोनवणे, इंद्रजित घोडके, संजय गायकवाड, विजया चालुक्य, छाया इंगळे, शिवाजीराव मोरे, सुधाकर मुंढे व बँकेचे मुख्य कार्यकारी अधिकारी रमेश शहापूरे यांनी केले आहे.
भाऊसाहेब बिराजदार सहकारी साखर कारखान्याच्या ऊस उत्पादकांना सर्वाधिक भाव दिल्याबद्दल माननीय अजितदादा पवार यांचा यावेळी सभासदांतर्फे सत्कार करण्यात येणार आहे.
