वार्तादूत – डिजिटल न्युज नेटवर्क
विधानसभेचे विरोधी पक्षनेते तथा माजी मुख्यमंत्री देवेंद्र फडणवीस व विधान परिषदेचे विरोधी पक्षनेते प्रविण दरेकर हे अतिवृष्टीने झालेल्या नुकसानीची पाहणी करण्यासाठी सोमवारी (दि.४) उस्मानाबाद जिल्हा दौऱ्यावर येत आहेत.
उस्मानाबाद जिल्ह्यात झालेल्या अतिवृष्टीमुळे नुकसान झालेल्या भागाची पाहणी करण्यासाठी विरोधी पक्षनेते तथा माजी मुख्यमंत्री देवेंद्र फडणवीस व विधानपरिषद विरोधी पक्षनेते प्रवीण दरेकर हे सोमवारी ( दि. ४) उस्मानाबाद दौऱ्यावर येत आहेत. त्यांचा दौरा पुढीलप्रमाणे असणार आहे. दु. १२.२० वाजता उस्मानाबाद तालुक्यातील करजखेडा येथे त्यांचे आगमन होणार आहे. त्यानंतर बेंबळी – चिखली मार्गे दु. १.१५ वाजता दाऊतपूर / इर्ला येथे जाऊन नुकसानीची पाहणी करणार आहेत. त्यानंतर दु. २.१५ वाजता तेर ता. उस्मानाबाद येथे जाऊन नुकसानीची पाहणी करणार आहेत. त्यानंतर ४.२० वाजता कळंब तालुक्यातील आवाडशिरपुरा येथे जाऊन नुकसानीची पाहणी करणार आहेत. या दौऱ्यामध्ये भाजपा प्रदेश सरचिटणीस आमदार सुजितसिंह ठाकूर, आमदार राणा जगजितसिंह पाटील हे त्यांच्या सोबत असणार आहेत अशी माहिती भाजपाचे जिल्हाध्यक्ष नितीन काळे यांनी दिली आहे.
