शितल कार्ले यांनी यशस्वीरित्या पूर्ण केले कुस्ती पंच प्रशिक्षण

वार्तादूत – डिजिटल न्युज नेटवर्क
लोहारा तालुक्यातील शीतल कार्ले यांनी कुस्ती पंच प्रशिक्षण यशस्वी रित्या पूर्ण केले असून त्यांनी उस्मानाबाद जिल्ह्यातील पहिल्या प्रशिक्षित कुस्ती पंच होण्याचा बहुमान मिळवला आहे.
मल्लविद्या कुस्ती महासंघ यांच्या वतीने दि. १२ ते १४ या कालावधीत कराड (जि. सातारा) येथील संजय पाटील कुस्ती केंद्र येथे तीन दिवसीय कुस्ती पंच प्रशिक्षण कार्यक्रमाचे आयोजन केले होते. मल्लविद्या कुस्ती महासंघाचे अध्यक्ष गणेश मानगुडे व हिंद केसरी संतोष वेताळ यांच्या मार्गदर्शनाखाली प्रशिक्षक प्रेम अकोले यांनी हे प्रशिक्षण दिले. लोहारा तालुक्यातून मल्लविद्या कुस्ती महासंघाचे तालुकाध्यक्ष पैलवान रामेश्वर कार्ले व शीतल कार्ले हे दोघे या प्रशिक्षण कार्यक्रमात सहभागी झाले होते. या दोघांनीही हे प्रशिक्षण यशस्वीरीत्या पूर्ण केले. त्याबद्दल मल्लविद्या कुस्ती महासंघाचे लोहारा तालुका कार्याध्यक्ष आनंद साळुंखे, उद्योजक भागवत बनकर, मल्लविद्या कुस्ती महासंघाचे विभागीय अध्यक्ष गोविंद घारगे, पोलीस पाटील संघटनेचे माजी तालुकाध्यक्ष सूर्यकांत पाटील, तालुका प्रवक्ता तानाजी माटे, संपर्कप्रमुख महेश कुंभार, सुरेश माने, अरुण कुंभार, सतीश पाटील, छत्रपती कामगार संघटनेचे विभागीय सचिव बालाजी माटे यांनी अभिनंदन केले.