वार्तादूत – डिजिटल न्युज नेटवर्क
पुणे येथील प्रसिद्ध सिनेअभिनेत्री, निर्माती, छावा क्रांतीवीर सेनामहिला चित्रपट आघाडीच्या प्रदेशाध्यक्षा श्री मेसवाल यांना श्री साई बहुद्देशीय संस्था जळगाव यांच्या वतीने देण्यात येणारा राष्ट्रीय सावित्री गौरव पुरस्कार २०२२ जाहीर झाला आहे.
श्री साई बहुद्देशीय संस्था जळगाव यांच्या वतीने जागतिक महिला दिनाचे औचित्य साधून राष्ट्रीय सावित्री गौरव पुरस्कार वितरण समारंभाचे आयोजन करण्यात आले आहे. सिनेअभिनेत्री मेसवाल यांनी केलेल्या उल्लेखनीय, भरीव व वैशिष्ट्यपूर्ण कार्याची दखल घेऊन त्यांची या पुरस्कारासाठी निवड करण्यात आली आहे. समाज व राष्ट्र यांचे प्रती समर्पित राहून निरपेक्षपणे आपण केलेल्या कार्याला श्री साई बहुद्देशीय संस्थेतर्फे हा पुरस्कार म्हणजे आपल्या कार्याला मिळालेली लोकमान्यतेची पावती आहे असे मत संस्थेच्या संस्थापक अध्यक्षा संगीता पाटील यांनी व्यक्त केले आहे. या पुरस्काराचे वितरण दि. ६ मार्च रोजी नाशिक येथील रावसाहेब थोरात सभागृहात आयोजित कार्यक्रमात होणार आहे. सिनेअभिनेत्री श्री मेसवाल यांना हा पुरस्कार जाहीर झाल्याबद्दल त्यांचे सर्वत्र अभिनंदन केले जात आहे.
